Muskurao, agar aaj kahin se haar gaye ho
Kisi ko uss jeet ki tumse zyada zaroorat thi shayad..
Muskurao, agar kuch kho gaya hai
Jiske naseeb ka tha usko mil gaya hai shayad...
Muskurao, agar dil toot gaya hai
Kisi ka jodne ke liye kisi ka todna padta hoga shayad..
Aur reh jaaye agar dil mein fir bhi dard kahin toh baantkar muskurao
Aur hai agar dil mein khushi zyada toh same process dohraao...
Muskurao, jab baar-baar yeh sochkar hataash ho jaate ho
Ki issey achcha yeh ho jaata, issey achcha woh ho jaata
ฦฌab yeh sochkar muskurao ki issey bura ho jaata toh kya ho jaata...
Muskurao, agar sir pe hai chhat, badan par kapda aur hai thaali mein khaana
Aur hai agar zaroorat se zyada toh baantkar ghar aana..
Muskurao, jab pooche koi ki zindagi jeene ka hai kya saleeqa
Muskurao yeh kehkar ki humne zindagi se muskurana hi seekha...
Muskurao, muskurao, even…
Even if you have to walk miles and miles..
ฦecause it’s okay if your glass is half empty
ฦณou can always fill it with smiles, muskurao....